Hulda Stefánsdóttir er Kópavogsbúi sem elskar að ferðast og verja tíma með fjölskyldu og vinum.  Hún syngur í kór og fer í fjallgöngur, rennir fyrir silung og nýtur lífsins til hins ítrasta. Hún er gift, tveggja barna móðir og starfar sem bókari og hefur síðustu ár unnið að hluta sem sminka í Borgarleikhúsinu og finnst leikhús og leiklist ótrúlega skemmtileg og áhugaverð.  Hulda segir að sér hafi þótt sérstaklega gaman, að skyggnast á bak við tjöldin, ef þannig má að orði komast um starf hennar sem sminku, og upplifa leikhúslífið á örlítið annan hátt en „bara“ sem áhorfandi.

Hulda hefur notað Probi Mage mjólkursýrugerla frá því að þeir komu fyrst á markað á Íslandi og sleppir ekki degi úr.  Hún er alveg á því að varan hafi gjörbreytt lífi sínu, til hins „miklu betra“ eins og hún segir sjálf.

„Ég hef alveg frá barnæsku verið með hægðavandamál og einhversstaðar í minningunni sé ég fyrir mér einhverskonar sprautu sem mamma setti saltvatn eða eitthvað álíka í og sprautaði inn í mig til að reyna að losa, þetta þótti mér auðvitað ótrúlega vont sem krakki og það er í raun lítið skárra þegar ég hugsa til baka.  Svo komu einhver hægðalyf til sögunnar og þau litu kannski ekki eins hræðilega út en alltaf fannst mér þetta allt saman hrikalega vont og erfitt.

Ég gat sem sagt verið stopp í marga daga og upp undir viku ef ekkert var að gert og ég man að mamma fór með mig til barnalæknis á þessum tíma til að leita ráða, en lítið hjálpaði.”

Hvimleitt vandamál frá barnæsku og upp á fullorðinsár

“Þetta hvimleiða vandamál hefur fylgt mér allt frá barnsaldri og upp fullorðinsárin og hin síðari ár hef prófað ýmis hægðalyf, ef ekki barasta þau öll, því það gefur auga leið að maður verður hreinlega undirlagður að eiga við svona langvarandi ástand og er tilbúin að reyna margt til að hafa magann og hægðirnar í lagi.   Hægðalyfin nýttust mér að einhverju leyti en bara til að losa og aldrei leið langt þangað til allt var stíflað aftur og oft var ég með hræðilega magaverki og jafnvel krampa.

Ég man mjög vel þegar ég prófaði Probi Mage fyrst þegar það kom á markað fyrir nokkrum árum, því eftir stuttan tíma fann ég svo ótrúlega mikinn mun að ég hreinlega trúði því varla, eftir öll þessi ár sem ég hafði í raun kvalist vegna ástandsins á meltingunni hjá mér, var loksins komið eitthvað sem virkaði, og virkar enn.  Þvílíkur léttir og nú er ég alveg laus við þessa þrálátu kviðverki og hef hægðir daglega, sem er bara magnað og ég get varla þakkað það nógsamlega að hafa prófað þessa frábæru vöru og þennan merkilega mjólkursýrugeril sem í henni er.“  Hulda segist jafnframt njóta þess mun betur að ferðast nú til dags.  “Það segir sig auðvitað sjálft að fyrir hvern þann sem hefur gaman að því að ferðast að það að vera laus við endalausar áhyggjur af maga og meltingu er ekki lítils virði og geta betur notið sín í útivist og á lengri ferðalögum”.

 

Að öðru leyti segist Hulda vera hraust en hefur þurft að huga sérstaklega að járnbúskapnum, eins og margar konur, og passa vel upp á hann auk þess sem hún er blóðgjafi og vill svo gjarna geta haldið áfram að gefa blóð.  „Það að þurfa að taka inn auka járn hefur auðvitað hentað manneskju eins og mér mjög illa þar sem járnið hefur farið illa í mig og getur hreinlega valdið hægðatregðunni sem ég hef í svo langan tíma passað mig sérstaklega vel að forðast og vil í lengstu lög ekki lenda í þeim vítahring aftur.  Þegar ég sá að það er komin ný vara frá framleiðanda Probi Mage, sem heitir Probi Járn,  kynnti ég mér hana vel og er nú að prófa hana og hef gert í nokkrar vikur.  Meltingin hefur ekki farið úr skorðum og hægðir eru eins reglulegar og áður og ég er ekki frá því að mér finnist ég hressari og líður bara ljómandi vel” segir Hulda og segist jafnframt vona, eins og fyrr sagði, að hún geti haldið áfram að gefa blóð, og hvetur alla sem geta og eru ekki blóðgjafar nú þegar, að íhuga að gerast það.

Probi® Mage og Probi® Járn fæst í apótekum, Heilsuhúsunum, Hagkaup, Fjarðarkaup, Melabúðinni og Heimkaup.  Þessi kynning er unnin í samstarfi við ABEL heilsuvörur umboðsaðila Probi mjólkursýrugerla á Íslandi.
Probi® mjólkursýrugerlar eru fæðubótarefni. Neysla fæðubótarefna kemur ekki í stað fjölbreyttrar fæðu og heilsusamlegs lífernis.