Birgir Þórðarson, teblöndunarmeistari, teframleiðandi og leiðsögumaður, veit hvað skiptir miklu máli að hafa meltinguna í lagi. Hann notar Probi Mage® mjólkursýrugerla alla daga.

Birgir er fæddur 1944 og því rúmlega 76 ára gamall. Hann er þó langt í frá sestur í helgan stein. Hann er teblöndunarmeistari og framleiðandi að lífrænu íslensku Arctic Mood teunum sem fást víða og þykja einkar bragðgóð og hressandi. Birgir er einnig starfandi leiðsögumaður og afi með meiru. Hann veit hvað skiptir miklu máli að hafa meltinguna í lagi og huga að heilbrigði þarmaflórunnar fyrir heilsuna alla. Hann fann fljótt hvað Probi Mage® mjólkursýrugerlar gera honum gott og tekur eitt hylki á dag, alla daga.

Birgir hefur lengi haft mikinn áhuga á lækningamætti jurta og náttúruvara almennt og byrjaði að nota sænska mjólkursýrugerilinn Probi Mage® þegar hann kom fyrst á markað á Íslandi 2016. Hann segist fljótt hafa fundið hvað varan gerði honum gott og notar hana því að staðaldri. „Ég gaf mér tíma til að lesa mér til og skoða svolítið söguna á bak við þessa merku vöru og ég get svo sannarlega staðfest að þetta virkar mjög vel. Ég hef reyndar kynnt mér svolítið þessi fræði og er áhugamaður um náttúruvörur, heilsu og heilsutengd málefni og mér þótti skipta máli þegar ég las um þennan tiltekna geril, Lacto­bacillus plantarum 299v, hvað hann á langa sögu að baki, að hann lifir af maga- og gallsýrur og það hversu margar rannsóknir hafa verið gerðar á honum sem sýna fram á jákvæða eiginleika hans og virkni. Þegar ég ákvað svo að prófa þetta sjálfur fann ég fljótt hvað þetta gerði mér gott þá, og gerir enn.

Það þekkja það eflaust margir á mínum aldri að það hægir á ýmsu hjá okkur þegar við eldumst og þar er meltingin ekki undanskilin. Við getum fundið til ýmissa óþæginda til lengri eða skemmri tíma sem tengd eru meltingu okkar hvort sem um ræðir uppþembu, lausar hægðir eða hægðatregðu sem getur hreinlega sett strik í reikninginn þegar halda á út í daginn og að sjálfsögðu viljum við flest vera laus við slíkt,“ segir Birgir og efalítið geta flestir verið sammála um það.

„Þegar við erum komin á eftirlaunaaldurinn og hættum að vinna missum við líka mörg rútínuna sem fylgdi starfi okkar og við hreyfum okkur jafnvel minna þó sumir verði kannski enn aktívari en áður þar sem meiri tími gefst til að sinna áhugamálum og til að mynda að vera úti og njóta náttúrunnar. Hvort heldur sem er þá skiptir það okkur öll máli að hafa meltinguna í lagi og styðja við varnir líkamans með því að huga að þarmaflórunni og það ættum við að gera alla okkar tíð,“ segir Birgir. Hann telur Probi Mage® gerilinn vera einstakan og er sannfærður um að heilbrigði ristilsins og góð melting sé grunnurinn að góðri heilsu almennt, jafnt líkamlegri sem andlegri.

 

Langvarandi óþægindi tengd meltingu eru ekki eðlilegt ástand 

Þorbjörg Hafsteinsdóttir næringarþerapisti notar Probi Mage® mjólkursýrugerla fyrir sig og sína og hefur fjölmargar góðar reynslusögur frá fólki sem hefur notað vöruna.

„Hér höfum við vöru sem á hafa verið gerðar fjölmargar rannsóknir sem spanna rúma tvo áratugi og sýna fram á gagnsemi gegn ýmsum óþægindum tengdum meltingu og að hún styrki jafnframt varnir líkamans. Óþægindi tengd meltingu geta verið virkilega hvimleið og leggjast misjafnlega á fólk. Sumir eiga það til að stíflast og þjást af hægðatregðu til lengri eða skemmri tíma á meðan aðrir upplifa lausar hægðir og jafnvel niðurgang og ólgu sem stundum gerir ekki boð á undan sér. Oftar en ekki fylgja alls kyns önnur ónot með sem sum okkar hafa átt við að stríða í áraraðir og líta jafnvel á sem eðlilegt ástand. Vindgangur er enn ein birtingarmynd þess að kannski sé ekki allt eins og best sé á kosið í meltingarveginum og getur verið til marks um ójafnvægi í þarmaflórunni. Hér kemur þessi magnaði mjólkursýrugerill sannarlega að góðum notum. Sjálf hef ég ekki fundið betri vöru en Probi Mage® í öll þau ár sem ég hef starfað sem næringarþerapisti, hvorki hér heima né erlendis, enda þekki ég vel hversu mikilvægt er að hlúa að meltingunni og þarma­flórunni fyrir heilsuna alla. Probi Mage® hefur sannreynda virkni og ég ráðlegg jafnt karlmönnum og konum sem vilja bæta meltinguna að nota það. Ég nefni karlmennina hér sérstaklega því þeir eru ófáir sem ég þekki til sem hafa notað Probi Mage® hylkin og hreinlega geta ekki án þeirra verið. Fjölmargar konur sem til mín leita lýsa einnig virkilega jákvæðri reynslu af notkun Probi Mage og líðanin er allt önnur og betri eftir því,“ segir Þorbjörg.

Fæst í apótekum, heilsuverslunum, Fjarðarkaupum, Hagkaupum, Heimkaup og Melabúðinni.

Þessi kynning er unnin í samstarfi við ABEL heilsuvörur umboðsaðila Probi mjólkursýrugerla á Íslandi. 

Mynd, Birgir Þórðarson: Fréttablaðið