Við hjá Heilsunetinu höfum fylgst með aðdáun og spenningi með frumkvöðlunum í Pure Natura og beðið þess með eftirvæntingu að vörurnar þeirra komi í sölu.   Nú hefur það gerst og við kynnum nú með ánægju þetta merkilega fyrirtæki sem og vörurnar þeirra sem ekki eru síður merkilegri fyrir marga hluta sakir.

 

Pure Natura-Íslensk bætiefni unnin úr raunverulegum matvælum

Pure Natura er íslenskt nýsköpunarfyrirtæki sem sérhæfir sig í framleiðslu á fæðuunnum bætiefnum úr lamba-innmat, -kirtlum og jurtum. Fyrirtækið var stofnað í september 2015 af frumkvöðlunum Hildi Þóru Magnúsdóttur, Rúnu Kristínu Sigurðardóttur og Sigríði Ævarsdóttur og er staðsett á Sauðárkróki.  Hugmyndina má rekja til hugmyndafræði sem nú er að ryðja sér til rúms í Bandaríkjunum og víðar og snýr að því að betri og nýtanlegri vítamín og bætiefni komi úr mat en úr gerfi efnum sem búin eru til á tilraunastofnum. Þessi nýja tegund bætiefna er því unnin úr raunverulegum matvælum, með öllum þeim efnum og samvirkni sem í þeim finnast og sett fram sem heildarpakki en ekki sem einstök, einangruð efni.

Innmatur er ein næringaríkasta fæða sem til er

Þegar við fórum af stað með að þróa vörurnar okkar, ákváðum við að nota innmat sem uppistöðu í þeim öllum því þar er vannýtt auðlind á ferð. Þrátt fyrir að innmaturinn sé einhver næringarríkasta fæða sem völ er á, þá hefur dregið mjög úr neyslu hans á undanförnum áratugum. Það má nánast segja að hann sé að detta alveg út hjá yngri kynslóðum hins vestræna heims, segir Hildur. Það er eins og hann hafi hreinlega gleymst í hollustu umræðunni sem verið hefur í gangi  undanfarna áratugi, en það er raunverulega ekkert sem kemur þó í staðinn fyrir nákvæmlega þennan mat þó margt gott sé til. Lifur, hjörtu og fleiri líffæri eru í raun eins og risastór fjölvítamíntafla með öllu tilheyrandi og innmatur inniheldur á bilinu 10-100 sinnum meira magn næringarefna en vöðvar sama dýrs. Þessi matur var áður mikilvægur hluti mataræðis okkar, þeir sem komnir eru af barnsaldri muna það að þeir þurftu að borða lifur reglulega þó þeim þætti hún oft vond en mæður okkar og ömmur tóku ekki annað í mál, enda aldar upp við að nýta allt og vissu að þessi matur var hollur þó þær hefðu ekki í höndum rannsóknarniðurstöður þar um. Auk þess eru efnin á formi sem líkaminn þekkir og getur nýtt næringarefnin úr, sem ekki er alltaf raunin með tilbúin vítamín.

Pure Natura leggur áherslu á að best sé að neyta matar og fá næringarefni úr sem ferskustum matvælum og sem minnst unnum. Hinsvegar sé það staðreynd að allt of margir borði ekki innmat og því sé í raun nauðsynlegt að auka aðgengi og áhuga á slíkri ofurfæðu með öðrum hætti en hingað til hefur tíðkast. Pure Natura býður því uppá afurð sem hægt er að taka inn sem hylki og gleypa með mat eða vatnsglasi og fá þannig skammtinn sinn reglulega af öllum þeim góðu næringarefnum sem í þessu hráefni er að finna. Mild vinnsluaðferð tryggir að næringarefni, ensím, fitusýrur, andoxunarefni, prótein, virk plöntuefni, ilmkjarnaolíur og annað úr hráefninu skili sér sem best til neytandans.

Pure Natura vörurnar eru í fallegum umbúðum

Íslenskar sauðfjárafurðir-heimsklassa hráefni

Fyrirtækið nýtir eins og áður sagði innmat og kirtla úr íslenskum lömbum í sína framleiðslu auk þess að nýta einnig íslenskar handtýndar villijurtir  eins og fíflarót, ætihvannafræ, birki, vallhumal, burnirót, baldursbrá og fl. í blöndur sínar.  ” Íslenska lambakjötið er í sérflokki hvað varðar hreinleika og það sama má segja um villtu jurtirnar okkar”. Við höfum hreint vatn, loft og jarðveg, hér er sýklalyfjanotkun og notkun á skordýraeitri lítil sem engin og má því í raun bera því við að íslenska hráefnið sé á heimsklassa”.

Pure Power, Pure Heart, Pure Nutrition, Pure Liver

Fjórar nýjar vörur komnar á markað

Fyrirtækið hefur unnið að þróun bætiefnanna í rúm tvö ár og eru fjórar vörutegundir afrakstur starfsins.

Pure Nutrition inniheldur mikið magn vítamína og steinefna á náttúrulegu formi  (B12, Járn, A vítamín og fl.). Varan hefur sýnt sig að hún hentar einkar vel sem þeim sem eiga við járnskort að ræða og eru viðkvæmir fyrir því að fá í magann af tilbúnu járni. Hún hentar einnig vel sem fæðubót með almennu mataræði og fyrir íþróttafólk og eldra fólk.

Pure Liver er blanda af lambalifur, hvannafræjum, fíflarót og birki. Pure Liver er hugsuð sem lifrarstyrkjandi blanda. Hún er frábær blanda af orkuaukandi vítamínum á náttúrulegu formi og íslenskum jurtum hvannafræjum (einbeiting og minni), birkiblöðum (bólgueyðandi og vatnslosandi) og fíflarót (hreinsandi).

Pure Heart er blanda fyrir hjata og æðakerfið. Varan inniheldur  lambahjörtu, vallhumal, baldursbrá, birki og burnirót sem gefur góða næringu og stuðning fyrir alla þá sem vilja huga vel að hjarta sínu.

Pure Power er blanda sem sérstaklega er hugsuð fyrir fólk sem vill meiri orku, er undir líkamlegu eða andlegu álagi, erfiðisvinnu, líkamsrækt oþh. Varan inniheldur blöndu af lambahjörtum, lambalifur, burnirót og hvítlauk.

Vörur Pure Natura ehf. má kaupa í vefverslun fyrirtækisins www.purenatura.is, í Pure Food Hall í Leifsstöð, í heilsuvöruversluninni Mamma veit best, í sérvöruversluninni Eins og fætur toga og í Blómasetrinu í Borgarnesi. Vörurnar eru einnig væntanlegar í fleiri verslanir strax eftir páska.

Fullvinnsla og bætt nýting Sláturafurða mikið hagsmunamál

Við viljum að sjálfsögðu gefa fólki kost á því að hugsa sem best um sig sjálft og þá sem því þykir vænt um. Það gerum við með því að bjóða upp á hágæða bætiefni sem innihalda mikið magn næringarefna í bland við þekktar lækningajurtir sem eru án allra aukaefna og lyfjaresta. Einnig hefur það skipt okkur máli að í dag eyða sláturhús töluverðu fjármagni árlega í förgun á hráefni eins og innmat og kirtlum sem Pure Natura vill nýta í vörur sínar. ” Í stað þess að farga þessu hráefni er hægt að vinna úr því hágæða fæðubót og búa þar með til pening í stað sóunar. “Við viljum styðja við aukna sjálfbærni í dilkaslátrun. Minnka sóun, auka meðvitund neytenda og stuðla að fullnýtingu afurðanna í heimabyggð” segir Hildur. Einnig bendir hún á að verkefni sem þetta sé atvinnuskapandi og það sé mikilvægt að finna lausnir til að fjölga störfum í byggðum sem hafa átt við fólksfækkun að etja.  Ef sala afurðanna gengur vel skilar það og vonandi bóndanum hærri greiðslum fyrir hvert lamb sem hann leggur inn til slátrunar. Hugmyndin er sú að ef allt gengur upp þá græði allir á þessu verkefni,“ segir Hildur.