- Án mjólkur
- Án glútens
- Án sykurs
Glútenfrír morgunmatur með lágan glýkemískan stuðul sem hefur ekki mikil áhrif á blóðsykurinn. Góður fyrir magann og meltinguna og lítil hætta á ofnæmi. Frábær máltíð seinni part dags eða sem náttverður fyrir þá sem eiga erfitt með að sofna vegna vandamála sem tengjast blóðsykrinum eða streitu.
Fyrir tvo
2 dl vatn
Smá salt
1 dl heilt hirsi
1 dl rísmjólk
2 msk. möndluflögur
2 msk. möluð hörfræ
2 msk. próteinduft eða 2 gerilsneydd egg til að próteinbæta grautinn
1/2 pera eða epli, skorið smátt
1 tsk. muldar kardimommur
1/3 tsk. vanilluduft
5 apríkósur
Leggið hirsið í bleyti með apríkósunum í nokkra tíma eða yfir nóttu.
Sjóðið saman með perum eða eplum, kardimommu og vanilludufti í 15-20 mínútur. Passið upp á að það sé nóg af vatni svo grauturinn brenni ekki.
Bætið annaðhvort mysupróteini eða eggjum við grautinn. Hægt er að sjóða eggin sér.
Myljið hörfræin í kaffikvörn og blandið þeim ásamt möndluflögunum (má kaupa tilbúið) við grautinn og berið fram með rísmjólk.
Uppskriftin birtist fyrst á uppskriftarsíðu Þorbjargar. Þar er einnig hægt að finna aragrúa af öðrum hollum og ljúffengum uppskriftum.
http://www.thorbjorg.dk/din_vitalitet/opskrifter/vis/morgenstund_med_hirsemund/morgenmad
