- Án mjólkur
- Án glútens
- Án sykurs – ef notað er sykurlaust súkkulaði
Fyrir fjóra
3 rískökur
75 gr. hakkaðar heslihnetur, þurrristaðar á pönnu
1/4 hnífsoddur vanilluduft
150 gr. gróft hakkaðar möndlur, þurrristaðar á pönnu
100 gr. grófar kókosflögur, þurrristaðar á pönnu. Farið varlega, þær brenna auðveldlega.
200 gr. 70% súkkulaði án sykurs
4 msk. kókosolía
Myljið niður rískökurnar og blandið þeim saman við öll hin þurrefnin í skál.
Bræðið súkkulaði í vatnsbaði (í málmskál yfir potti með heitu vatni).
Bætið kókosolíu við súkkulaðið og hrærið.
Hellið súkkulaðinu yfir hnetu- og rískökublönduna. Þekið allt saman í súkkulaði.
Notið tertufat til að móta kökubotn úr blöndunni og setjið síðan inn í frysti í 3 tíma.
Brjótið bita af súkkulaðistykkinu og njótið kræsinganna.
Ráðlegging!
Borðið fersk jarðar- eða bláber með og passið upp á litla putta og hvíta sófa.
